見之前大家都有出過屋企相, 等我又影下先。影之前當然係有執番好少少啦~個燈光真係咁既色。
本來幅牆係光禿禿既, 見網拍D sticker又平又靚, 唔鍾意又可以換, 唔洗負責任, 幾好, 立即買左個巴黎番黎!
左手面係不時忍唔住手又扭旦既成果, 加上不同時期喜愛既公仔。
Blythe: 好彩我係買細個D咋,如果唔係都唔知擺邊；
PlayMobil: 由一個白雪公主個後底乸 - 皇后, 買買下買埋騎兵同埋步兵, 最後仲買埋個廁所系列；
Chappie: 係好罕有又貴!!! 唔會再買D咩野items架啦, 我估；
Kewpie BB公仔: 由扭旦細size買到2尺高都有, 實在忍唔住手呀, 多數都係日本上野同埋CWB既Hobby館買，全部都唔算貴呀；
Rilakkuma: 新寵鬆弛熊唔少得~ 家姐送左個coin bank比我, 入面仲有野食!!
Crystal Ball: 唔係公仔, 但都係我既所愛呀, 呢個係朋友送比我, 本想掛係電腦對上既天花, 但我呢D驚恐症人好怕佢會跌落黎坎爆我個頭。
原來我仲有好多佳麗, 我太多情啦。其實Unazukin點頭公仔, 麵包超人, Panda....我都好得我歡心架。
留言