近排成日係電視廣告見到S.H.E.賣個隻OSIM既uKimono, 我對呢類保健+減肥+relax作用既機都甚有興趣。家中係我幾歲個陣已經有部震震按摩腰帶, 當時係for我婆婆用既, 我當時既高度只可以用黎震頭, 我都用過佢黎震頭(好可能就係咁痴左線!!)。家中各人眾志成城, 買左好多按摩保健product, 例如有一部海豚(即係手持按摩器), 一部足部脈沖按摩機, 一部背部按摩機, 以前仲有一個眼部按摩器(禮服曚面俠個款), 計計下原來真係好多……，如果屋企有位真係想買部按摩椅tim呀!!!
類似我細個個部震震腰機啦~~
講番轉頭，uKimono呢部機主要減下身, 岩晒我呢類OL, 所以呢部我都有!!! 香港女仔有幾多個唔係啤梨型呀，我朝8晚6，係個位又不時忍唔住隊零食(好難忍架, 想減下壓je....), 有時又忙到全日冇飲水，全部都係令我下身勁水腫勁肥既主因。又一個夏天過去啦, 減肥唔可以太快, 我反而覺得冬天係減肥既黃金時期, 慢慢減完又到春天, 個陣又可以著短袖衫啦。
個PACKING都好日本FEEL架~~
附送一支好似酒咁既野比我, 我用左成分鐘先拆解到佢係一把遮~好得意~~
我個部係紅色, 好靚呀!!上面仲有和風pattern, 個外型好似和服腰位個包包，uKimono就係咁解啦~(Kimono=和服)。另外uKimono係有日本既專家既理論去支持既，部機縛係腰位就會震動 到2個係左右叫梁門既穴位同埋係中間叫水分既穴位，縛係肚位就會震動到2邊既天樞位同中間落D叫關元既穴位。我呢D香港人多數都係自己揣摩部機點用而唔睇 充說明書, 但都好易用, 一般基本操作一睇個remote就明。
我一入手就已經忍唔住縛係腰試下佢，我首先係用Duo+既mode，即係邊震邊有按摩既感覺。試之前我岩岩用好快既速度食完飯, 所以有D胃痛, 真係好得意, 胃竟然真係冇咁痛!! 震既感覺好好, 個人好似鬆左D, 因為平日好難有咩動作會有鬆到個胃位，可能就係咁幫到我消化啦~~
按摩既感覺起初有D痕痕地, 之後就好enjoy啦，感覺好似出去比人通淋巴咁。做到一半已經急急地, 去vivi個陣竟然都真係有通淋巴既效果!!即係咩?少少不雅都要講啦, 做過通淋巴既人都知做完之後去洗手間, D尿尿好明顯比平時濃D同埋黃D!!!排毒成功!!!!
留言