打開窗簾 有助視力及電力發射


真係勁長
我D睫毛向來都係勁長, 岩岩度過最長既有1.1cm咁長!!! 我之前係Benefit個化妝用既超誇睫毛, 最長個條都只係1cm, 自己個D原來仲長!! 以前細細個果個年代唔興長睫毛, 而我D睫毛既毛型係內眼角短D,外眼角位比較長。我唔鍾意咁樣, 所以個陣剪過佢黎, 剪成扇型, 但係好快又長番晒!!!

真係狂直
不 過長還長, 我D睫毛係衰在唔夠深色、密同埋狂直!  因為眼尾位長而直, 個D睫毛好似成塊簾咁遮左我眼尾, 令我對眼睇落又再細左!! 佢既硬直程度係夾完佢好快會直番, 夾+mascara都一樣好快會直番, 一定要隨身帶一個電熱睫毛器。試過電睫毛, 竟然係唔洗一日就直番!!!! 佢實在太硬朗啦!! 最煩既就係, 超硬直既效果只出現係右眼!!!!


咁岩今日甩左一條就拎黎度一度究竟有幾長~ 另一方面都可以見到我條睫毛真係直過負離子!!


附肉酸解說圖一張


Fake Lash對我來說.....它的魔力是失效的
如果我想要一梳又密又卷曲既睫毛, fake lash絕對唔會係我首選。你地諗下, 我D睫毛咁硬直, 一來唔可以好似大家話齋好方便咁一貼fake lash就搞掂, 就算我加埋mascara定型, 最後都會變左.......
    

Mascara對我來說是如此的重要
我揀既睫毛液以Volume為主, 加上質地唔好太重, 任何mascara既捲曲效能放係我睫毛上, 都係冇用既, 至少令它唔好更下垂就係好既mascara! 平日如果出外有心機化妝, 我都會搽mascara, 一拎起道簾, 眼大左30%, 成個人都精神左70%!


我愛密麻麻
岩岩試過
Maybelline新 出既The Magnum Volum' Express Mascara, 佢既睫毛液幾好真係唔洗多講。就講今次呢隻, 個樣肥肥短短又sharp醒, 真係好搶眼!!! 好明顯係行sharp醒路線, 唔係玉女feel, 所以佢既代言人係我覺得好型好有taste既呀Sa!!! 呢支真係主打volume呀!! 支掃大如粟米芯, 就係因為佢令睫毛非常濃密。一夾一搽, 睫毛就好勁咁向上飛啦!! 令我D睫毛更加一大梳!!! 咁我仲洗咩痴假毛呢? (換言之我痴毛既技巧又更拙劣了!!) 佢一支先係$99, 我覺得好抵玩。強裂(冇錯字! 係強到裂!)建議用黑色(另有啡色選擇), 因為咁先會更sharp, 你用呢支mascara都係想sharp je, 唔係要柔和感覺嘛~~

粟一宵
以下係我用呢支粟米芯化既誇張(我覺得誇架啦)妝容, 係我出左成日街之後深宵先化既。可見我D睫毛一D都冇甩色, 好keep到。上文都講過我D睫毛係千斤墜, 佢冇直到180度已經好厲害~


真毛示範~



其實我漏左D step, 如果加埋電熱睫毛器捲番起D lash效果真係不得了, 我個日就係捲起出門口, 真係好似太陽花咁誇!! 有時番工我真係捲完覺得太誇禁番低少少架~~ 另外就係爭左梳番開D睫毛, 咁就更好睇啦~ 但我化完影完相已經就黎凌晨4點啦!! 影妝相真係好高難度!!!!(尤其用我部連個screen都睇唔清既DC!!!>_<)

粟一宵妝品:
 
1) 呢個粟一宵妝又點少得支粟米芯呢?! 有佢D lash先會係閃光燈下仲咁sharp!!
2) 黃色同紫色唔用pigment點會咁有色呢, 少不得啊!! 黃色更加左少少金色同螢光黃, 影出黎先得少少~
3) Cybercolour粉紫E/S係雷會買小知既野抽獎得番黎架, 不知幾好用!! 唔係雷品呢!!
4)做咩有過期眼藥水?! 有佢先會令E/S咁上色咁貼呀!!點極少眼藥水, 加E/S就會好似眼線咁濃咁上色架啦! 我估計係因為眼藥水個density比水密, 又有少少黏, 廢物利用!!!

留言